ମୁଁ ହିଁ ତୁମର ତୁମେ ହିଁ ମୋର

ସପନର ଝୁଲଣାରେ

ପ୍ରେମର ତରଙ୍ଗରେ

ଭଲ ପାଏ ତୁମକୁ ମୁଁ ଏତେ ଯେ

କହିଲେ ବି ସରିବ ନାହିଁ କେବେ ।

ହୃଦୟର ସ୍ପନ୍ଦନ ରେ

ନାମ ଗୋଟିଏ ହିଁ ଥାଏ ସବୁବେଳେ

ହୃଦୟ ରେ ଗୀତ ଗାଉ ଥାଅ ତୁମେ

ପ୍ରେମର ସ୍ୱର ଆଉ ଲୟ ତାଳରେ ।

ମୋ ଆଖିର ନୟନରେ

ସପନର ତରଙ୍ଗରେ

ନାଚି ଉଠେ ସବୁବେଳେ

ମୋ ପ୍ରେମର ପ୍ରତୀକ ସାଜିଛି ତୁମ ଚେହେରା ଯେ ।

ଇଚ୍ଛା ହୁଏ ତୁମ ସହ କଥୋପକଥନ କରିବା ପାଇଁ

ଦେଖି ରହିବା ତୁମକୁ ପାଇଁ

ପ୍ରେମର ସୁଅରେ ଭାସି ଯିବା ପାଇଁ

ତୁମ ସହ ମିତ ହୋଇ ରହିବା ପାଇଁ ।

ତୁମର ସ୍ପର୍ଶରେ

ଖେଳିଯାଏ ଶୀତଳତାର ପବନ ମୋ ତନୁରେ

ବୁଡି ଯାଏ ପ୍ରେମର ମଧୁରେ

ଭଅଁର ସାଜି ମୋତେ କରୁଛ ପ୍ରେମ ।

ଇଚ୍ଛା ହୁଏ ପ୍ରେମର ଗୀତ ଗାଇବି

ଚାନ୍ଦିନୀ ରାତିରେ ତୁମ ହାତ ଧରି

ଭାସି ଯିବି ତୁମ ସହ ବାଦଲରେ ବସି

ଜହ୍ନର ଛାତିରେ ଲେଖିବା ଆମ ପ୍ରେମର ଗୀତି ।

ମନ କୁହେ ମୋତେ ଗୋଟିଏ କଥା ସବୁବେଳେ

ତୁମେ ହିଁ କେବଳ ମୋର ଯେ

ଆଉ ମୁଁ ହିଁ ତୁମର ତୁମେ ହିଁ ମୋର

ଏହା ହିଁ ପ୍ରତିଶୃତି ଆମ ପ୍ରେମର ।