ଆତ୍ମସମ୍ମାନ

ନିଜକୁ ଯେ ବୁଝିଥାଏ ଜୀବନରେ

ବୁଝଇ ଆତ୍ମସମ୍ମାନ

ଏଥିରୁ ବିଚ୍ୟୁତ ହେଉଥିବା ମନ

ନ ବୁଝଇ ସ୍ବାଭିମାନ ।

ଆତ୍ମସନମାନ ପରା ଶ୍ରେଷ୍ଠଧନ

ବଳି ଆଉ କିଛି ନୁହେଁ

ସ୍ବାଭିମାନୀଟିଏ କେବଳ ତା' ସାଥେ

ଜୀବନ ନଉକା ବାହେ ।

ସେ ଧନ ଟିକକ ନଥିଲେ ପାଖରେ

କେହି ପରିହସନୀୟ

ଆନକୁ ସମ୍ମାନ ଦେଇ ବି ଶିଖେନି

ରହେ ସଦା ନିନ୍ଦନୀୟ ।

ଆନଠୁ ମର୍ଯ୍ୟାଦା ପାଇବାକୁ ହେଲେ

ଆଗ କଲେ ଆନେ ଦାନ

ତାହା ଶତଗୁଣେ ଫେରି ଆସୁଥିବ

ନିଜର ପାଖକୁ ଜାଣ ।

ବାକ୍ ଇନ୍ଦ୍ରିୟରେ ସଂଞ୍ଜମତା ଭିଡ଼ି

ଯିଏ କହଇ ବଚନ

ଆତ୍ମସମ୍ମାନକୁ ସିଏ ବୁଝିଥାଏ 

ବୋଲାଯାଏ ଗୁଣୀଜନ ।

ସେଥିପାଇଁ ସେହି ଧନକୁ ସାଇତି

କର୍ମେ ହେଲେ ଆଗୁସାର

ମର ଦେହ ତ୍ୟାଗୀ ଗଲା ପରେ ମଧ୍ୟ

ନାମକୁ ଥିବ ଆଦର ।