ଆତ୍ମାର ଆରାଧ୍ୟ ଗୁରୁ

ଗୁରୁ ନୁହେଁ ବ୍ୟକ୍ତି ଵିଶେଷରେ ବନ୍ଧା 

ଗୁରୁ ଏକ ଅନୁଭବ 

ଗୁରୁ ପୁଣି ଏକା ଉର୍ଦ୍ଧ୍ୱମୁଖୀ ସତ୍ତା 

ଆତ୍ମାର ଚିର ବାନ୍ଧବ 

ଗୁରୁ ପୁଣି ବାସୁଦେବ 

ଅଜ୍ଞାନ ତିମିରି ନାଶିବାକୁ ପୁଣି 

ହୁଏ ତାଙ୍କ ଆବିର୍ଭାବ 

ପିତା ମାତା ପୁଣି ଯେତେ ଜ୍ଞାନୀ ଗୁଣି 

ଦିଏ ଯିଏ ସତ୍ୟ ଶିକ୍ଷା 

ଶିକ୍ଷା ଗୁରୁ ଅବା ହେଉ ଦୀକ୍ଷା ଗୁରୁ 

ଆଶିଷ ତାଙ୍କ ଅପେକ୍ଷା 

ଧୈର୍ଯ୍ୟ ନିଷ୍ଠାର ପରୀକ୍ଷା 

ଗୁରୁ ପୁଣି କେବେ ଅସତ୍ୟ ଅନ୍ଧାରେ ସତ୍ୟର ଆଲୋକ ଶିଖା 

ଗୁରୁ ଯେ ଆଶିଷ ଏ ସମାଜ ପାଇଁ 

ସେ ପୁଣି ସତ୍ୟ ସାରଥୀ 

ଗୁରୁ ପୁଣି ଗୂଢ଼ ଅତୀବ ଗହନ 

ପଢିଲେ ଅସରା ପୋଥି 

ଗୁରୁ ଏକ ଉପସ୍ଥିତି 

ମାନବ ଜାତିର ଉଦ୍ଧାର ପାଇଁ କି

ଗୁରୁ ଏକ ଦିବ୍ୟ ଜ୍ୟୋତି