ଆତ୍ମା ନିଏ ପ୍ରତିଶୋଧ
ଆତ୍ମା ନିଏ ପ୍ରତିଶୋଧ
ସଭିଙ୍କର କିଛି ରହିଥାଏ ଆଶା,
ମରତରେ ଦେହ ବହି ।
ସେ ଆଶା ସବୁକୁ ପୂର୍ଣ୍ଣ କରିବାକୁ,
ମନ ସଦା ଚାହୁଁଥାଇ ।।
କେହି ଯଦି ସାଜେ ଆତ୍ମାର ବଇରି,
ଆଶା ରହିଯାଏ ଅଧା ।
ଏ ଆତ୍ମା ଖୋଜଇ ସେହି ବଇରିକୁ,
ତା ଜୀବେ ଦେବାକୁ ବାଧା ।।
ଛାଇ ହୋଇ ବୁଲେ ଅତୃପ୍ତ ଆତ୍ମାଟା,
ବଇରିର କରେ ନାଶ ।
ଅନ୍ୟ ଶରୀରରେ ପ୍ରବେଶ କରିକି,
ବଇରିର କରେ ଶେଷ ।।
ଜଳେ ସ୍ଥଳେ ବନେ ଯେଉଁଠି ଲୁଚିଲେ,
ଖୋଜି ପାଏ ଅଶରୀର ।
ତା ମନସ୍କାମନା କରଇ ପୂରଣ,
ବଇରିକୁ ଦିଏ ମାରି ।।
କାହା ଆତ୍ମା ସହ ଖେଳନାହିଁ କେବେ,
ଆଉ ବି ନକର ଯୁଦ୍ଧ ।
କଥାଟିଏ ସଦା ରଖିଥାଅ ମନେ,
ଆତ୍ମା ନିଏ ପ୍ରତିଶୋଧ ।।