ଆସିଛି ଫଗୁଣ

ଆନନ୍ଦ ଫୁଆର ନେଇ ଆସିଛି ଫଗୁଣ

ଛୁଇଁ ଛୁଇଁ ଯାଏ ଆହା  ମଳୟ ପବନ

ତନୁମନେ ଭରିଯାଏ ମିଠା  ଶିହରଣ

ପ୍ରୀତିରେ ତଲ୍ଲୀନ ମନ ବିଭୋର ପରାଣ।।

ବନେ ଉପବନେ ଶୋଭା ପାଉଛି ସୁମନ

ହସୁଛି  ସୁଗନ୍ଧ  ତାର  କରି ବିତରଣ

ପ୍ରୀତିର ରାଗିଣୀ ସୁରେ ମଧୁପ ଉଚ୍ଛନ୍ନ

ମଧୁ ପାନ ପାଇଁ ଭ୍ରମେ କରି ଗୁଞ୍ଜରଣ ।।

ଶୁଭୁଅଛି କୋଳିଳର କୁହୁ କୁହୁ ତାନ

ବକୁଳର ବାସ ଛୁଟି ଚଉଦିଗେ ପୂର୍ଣ୍ଣ

ପାଦପେ ନବ ପଲ୍ଲବ କ୍ରୀଡ଼ାରେ ମଗନ

ସବୁଜିମା ଭରା ଧରା ରଙ୍ଗରେ ଆଛନ୍ନ ।

ଦୋଳ ପରେ ବିଜେ ହୋଇ ଶ୍ରୀରାଧା ମୋହନ

ଢାଳୁଛନ୍ତି ପ୍ରୀତିବାରି ସର୍ବେ କର ପାନ ।