ଲାଇବ୍ରେରୀ
ପ୍ରୋଫାଇଲ୍
ଆସିଛି ବସନ୍ତ
ଆସିଛି ବସନ୍ତ
1 min
260
ବାଇ ଚଢେଇ ଘୁମୁରି ବୁଲେ
କୋଇଲି ଗାଏ ଗୀତ
କଜଳପାତି ବସିଛି ଦେଖ
ବଣି ସାଥିରେ ମିତ ll
ଗଛ ଡାଳରେ ବଗୁଲୀ ବସି
ବଗକୁ କହେ ଡାକି
ଦରିଆ ବୁକୁ ଆଣିବା ଯାଇ
ମୀନଟେ ମନଲାଖି ll
ବସନ୍ତ ଋତୁ ଆସିଛି ଦେଖ
ବହେ ଶୀତଳ ବାଆ
ଗଛ ଡାଳରେ ଡାମରା କାଉ
ରାବଇ କା...... କା...... ll
ପବନ ବହେ ତୁହାକୁ ତୁହା
ବୁଡି ଆସିଲେ ବେଳ
ଫାଲ୍ଗୁନ ମାସେ ଦୋଳ ଯାତରା
ତା' ପରେ ହୋଲି ଖେଳ ll
ସୁଲୁସୁଲିଆ ପବନ ଖାଇ
ଶୋଇଛି ନଟ ଅଜା
ଆମ୍ବ ଛେଚାକୁ ପଖାଳ ଭାତ
ଲାଗଇ ଭାରି ମଜା ll
ଘୁଂ ଘୁଂ ଘୁଂ ଶବଦ କରି
ବହେ ଚଇତି ବାଆ
ଧୂଳି ବାଲିରେ ଉଠଇ ପୂରି
ବଣ, ପାହାଡ଼, ଗାଁ ll
କେବେନା କେବେ ଖଣ୍ଡିଆ ଭୂତ
ଦେଖାଏ ତା'ର ଖେଳ
ଘରକୁ ଯିବା ହେଲାଣି ଆସି
ଛାଇ ଲେଉଟା ବେଳ ll
