ଆଶ୍ରୟ
ଆଶ୍ରୟ
ହେଇ ଦେଖ ଲାଲ୍ ଲାଲ୍ ହେଇ,
ଛିଟିକି ପଡିଛି ରକତ କେତେ ଦୂର,
ଯନ୍ତ୍ରଣାରେ ଆତୁର ହେଇ କରୁଛି ଚିତ୍କାର,
ତଥାପି...
ପାଖେ କେହି ନାହିଁ ଦେବାକୁ ଆଶ୍ରୟ ।
କିଛି ଦୂରେ ଥାଇ କେତେ ଦୂରଦଷ୍ଟା,
କରୁଛନ୍ତି କେତେ ଯେ ଅଶ୍ଳିଳ ଅଙ୍ଗଭଙ୍ଗି,
ଦୁଖାତୁର ସେ ନାରୀର ଦୁ୍ଃଖ ନବୁଝି,
ଫେଁ ଫେଁ ହେଇ କେତେ ହସୁଛନ୍ତି ।
ପାଗଳିନି ଟିଏ କହି ସବୁ ଲୋକ,
ଥୁ ଥୁ କରି ଚାଳିଯାଉଛନ୍ତି କେତେ ଦୂର,
ଏମିତି କେତେ ଦିନ ଯାଏ ବିତି,
ଆଉ...
ସେ ବିଳାପ ସ୍ବର ଶୁଣା ଯାଉନି ।
ଅବେଳରେ ଝରାଫୁଳଟି ମଉଳି ଯାଇଛି,
କେତେ ସଫାଇ କର୍ମି ପାଖକୁ ଆସି,
କୋଉ ଏକ ଜାଗାରେ ଦାହ ପାଇଁ,
ଘୃଣ୍ୟପଣେ ସବକୁ ନେଉଛନ୍ତି ଟେକି ।
ବୈଷ୍ଣବ ମେହେର
ଗଣ୍ଡାବାହାଲି