ଆସ ମାଆ

ଜୟ ଭଗବତୀ ବିରଜେ ବରଦେ

  ଜୟ ମା ଶିବାନୀ ଦୁର୍ଗେ

ଆସ ଅବତରୀ ଏ ମରତଧାମେ

  ମା ସ୍ୱାଗତ ବସନ୍ତ ପର୍ବେ ।

ପାପ ବିନାଶିନୀ ମହିଷମର୍ଦ୍ଦିନୀ

   ଜୟ ମା ସିଂହ ବାହିନୀ

ନାଶକର ବ୍ୟାଧି ଦୁଃଖ ମହାମାରୀ

   ସିଦ୍ଧି ବୁଦ୍ଧି ପ୍ରଦାୟିନୀ ।

ଘୋର ଏ ସଙ୍କଟ ଆତୁର ଜଗତ

    ବିକଟ ଆସୁରୀ ବଳ

 ତ୍ରାହିମାମ୍ ଦେବୀ ବିନାଶ ଦୂରିତ

    ଶୂମ୍ଭ ନିଶୁମ୍ଭ କପାଳ ।   

ଘେନ ଭକ୍ତି ଅର୍ଘ୍ୟ ହୁଅ ମାତ ପ୍ରୀତ

   ଦିଅ ବାରେ ଶୁଭାଶିଷ

ଶୂଳ ଶସ୍ତ୍ରାଘାତେ ନାଶ ହେଉ ପାପ

   ଦୁଃଖ ଦାରିଦ୍ର୍ୟ କଳ୍ମଷ ।

ପବିତ୍ର ସଙ୍କଳ୍ପ ଶୁଦ୍ଧ ପରିବେଶ

   କଲ୍ୟାଣ ମହତ କର୍ମେ

ଜନ ମନେ ହେଉ ଜାଗରଣ ସ୍ୱସ୍ତି

   ନମସ୍ତସୈ ଦେବୀ ଦୁର୍ଗେ ।