ଆସ ମାଆ ଆସ ତୁମେ
ଆସ ମାଆ ଆସ ତୁମେ
ଆସ ମାଆ ଆସ ତୁମେ
ଶରତର ଏଇ ଶୁଭ୍ରତାରେ
ସୂର୍ଯ୍ୟୋଦୟର ରକ୍ତିମାରେ
ଶିଶିର ବିନ୍ଦୁର ମୁକୁତାରେ ।
ନୀଳ ଆକାଶର ମେଘ ମାଳାରେ
ସବୁଜ କ୍ଷେତର ସବୁଜିମାରେ
ନୀଳ କଇଁର ମାଦକତାରେ
କାଶତଣ୍ଡୀର ସୌନ୍ଦର୍ଯ୍ୟରେ ।
ପଦ୍ମପାଖୁଡାର କୋମଳତାରେ
ମଧୁପର ମଧୁ ଗୁଞ୍ଜନରେ
ଶୁଭ୍ରଚନ୍ଦ୍ରମାର ଶୀତଳତାରେ
ଶରତର ଏଇ ମୃଦୁ ମଳୟରେ ।
ପ୍ରତି ହୃଦୟର ସ୍ପନ୍ଦନରେ
ବଜେ ମୃଣ୍ମୟୀ ମୂରତି ରୂପରେ
ଶିଶୁର ଦରୋଟି ହସରେ
ନାରୀ ଶକ୍ତି ଦେବୀ ରୂପରେ।
ଉଭା ହୁଅ ମାଆ ଧରା ପୃଷ୍ଠରେ
କରୋନାକୁ ବଦ୍ଧ ଅଚିରେ
ସୁଖ ଶାନ୍ତି ବାଣ୍ଟିଯାଅ ଧରାରେ
ଏଇ ଅଳି ପାର୍ବଣ ବେଳାରେ।