ଆସ ହେବା ବାସ୍ତବ ଦୁର୍ଗା

ଆସ ହେବା ଆମେ ବାସ୍ତବ ଦୁରୁଗା

ଆମେ ହେବା ଶକ୍ତି ରୂପା l

ଗ୍ରାମେ ଗ୍ରାମେ କୁନି ଝିଅ ଓ ଭଉଣୀ

ହୋଇବେ ଶକ୍ତି ସ୍ୱରୂପା ll

ଗାଁରୁ ସହର ନାରୀ ଶିକ୍ଷାର ପ୍ରସାର

କରିବା ସଭିଏଁ ମିଶି l

ନଡ଼ିଆ ବଦଳେ ଖାତା ବହି ଦେଇ

ଗଢିବା ଦୁରୁଗା ହସି ll

ନ ରହିବେ କେହି ଅପାଠୁଆ ନାରୀ

ସଭିଏଁ ହେବେ ଶିକ୍ଷିତା l

ଲୋଡ଼ା ହେବ ନାହିଁ ଖଡ଼ଗ ତ୍ରିଶୂଳ

ହୋଇବେ ସରବ ଜିତା ll

ଆତ୍ମ ରକ୍ଷା ଶିକ୍ଷା ନାରୀତ ପାଇବେ

ସର୍ବେ ହୋଇବେ ଶବଳା l

ନ ରହିବେ କେହି ନିରକ୍ଷର ନାରୀ

ଦୁରୁଗା ହୋଇବେ ବାଳା ll

ମହିଷାସୁର ରାଷ୍ଟ୍ରେ ରହିବେ ନାହିଁ

ସଭିଏଁ ହେବେ ବିନାଶ l

ନାରୀ ଶିକ୍ଷା ଲୋଡ଼ା ରାଷ୍ଟ୍ର ଗଠନ ରେ

ଦୁରୁଗା ହେବେ ଅଶେଷ ll