ଆସ ଗଢ଼ିବା ନୂଆ ସମାଜ

ଆସ ଗଢ଼ିବା ନୂଆ ସମାଜ

ନ ଥିବ ତହିଁ ସ୍ୱାର୍ଥ ।

ଅନ୍ୟାୟ ଆଉ ଦୁର୍ନୀତି ପୁଣି

ଅସଫଳ ଓ ବ୍ୟର୍ଥ ।

ନୂଆ ସମାଜେ ସବୁ ମଣିଷ

ନିଃସ୍ୱାର୍ଥ ଭାବେ କର୍ମ ।

କରିବେ ପର ଉପକାର ଯେ

ମାନି ନିୟମ ଧର୍ମ ।

ପରିଶ୍ରମରେ ବିଶ୍ବାସ କରି

ନ୍ୟାୟ ପଥରେ ଗତି ।

ଲାଞ୍ଚ ପେଞ୍ଚଠୁଁ ଦୁରେଇ ଯାଇ

କରିବା ସର୍ବେ ନୀତି ।

ଲୋଭ ନ କରି ପରଧନକୁ

ଆପଣା ଧନ ସଞ୍ଚି ।

ହସଖୁସିରେ ଜୀବନ କାଟି

ସୁଖକୁ ନେବା ବାଛି ।

ନୂଆ ସମାଜେ ପର ଆପଣା

ନ ଥିବ ଭେଦଭାବ ।

ପରୋପକାର ବୈକୁଣ୍ଠପୁର

ରହିବନି ଅଭାବ ।

ମିଳିମିଶିଣ ପାଖ ପଡ଼ିଶା

ସବୁ ମଣିଷ ଜାତି ।

ଭାଇଭଉଣୀ ପରି ଚଳିବା

ମାନି ନିୟମ ନୀତି ।