ଆମସହ ଆଉ ଖେଳନି
ଆମସହ ଆଉ ଖେଳନି
ସୁଧୁରିବା ପାଇଁ ଦେଉଛୁ ଚରମପତ୍ର
ନେତା ଅଭିନେତା ଯିଏ ବା ତୁମେହୁଅ
ତୁମ ପାପଭାରେ ଉବୁଟୁବୁ ଧରାବକ୍ଷ
ଯେତେ ଶିଘ୍ରପାର ନିଜକୁ ସୁଧାରି ନିଅ I
ବହୁ ଦେଖିଲୁଣି ତୁମର ଏ ଯାଦୁଖେଳ
କଅଁଳ କଥାରେ ମୋହିନେଇ ଆମ ମନ
ଆମ ରକ୍ତ ମାଂସ ଝୁଣିଝୁଣି ଖାଅ ନିତି
ତୁମ ଅତ୍ୟାଚାରେ ହେଲୁଣି ଅଧାପ୍ରାଣ I
ସହିବାକୁ ଆଉ ଧର୍ଯ୍ୟନାହିଁ ଆମ ପାଖେ
ତୁମ ଲୀଳା ଖେଳା ସବୁ ସାରିଲୁଣି ଦେଖି
ଏଥର ତୁମର ଖେଳ ଦେଖିବାର ପାଳି
ସେଥିପାଇଁ ଦେଖ ଅସ୍ତ୍ର ସଜାଡୁ ବସି I
ଏତେଦିନ କାଲି କରିଗଲ ତୁମ ଖେଳ
ଏବେ ସବୁ ଖେଳ ସରିଗଲା ବୋଲି ଜାଣ
ମାଡି ଆସିଲାଣି ତୁମପାଇଁ ମହାକାଳ
ଚିନ୍ତ କେଉଁପରି ବଞ୍ଚାଇବ ତୁମ ପ୍ରାଣ I
ଅଉ ଛାଡିବୁନି ତୁମକୁ ଅକ୍ଷତ କରି
ଶୃଙ୍ଖଳ ଆମର ପାଦରୁ ଦେଉଛୁ ଖୋଲି
ଜୀବନେ ତୁମର ମୋହ ଯଦି ଟିକେ ଅଛି
ବନ୍ଦକରି ଖେଳ ଆମ ଆଗୁ ଯାଅ ଚାଲି I