ଆମ ପ୍ରେମ
ଆମ ପ୍ରେମ
ଆସନ୍ତନି ଥରେ
ସାଗର ବେଳାକୁ
ତୋଳିବାକୁ ବାଲିଘର
ସେଇ ବାଲିଘରେ
ମୁଁ ଯେ ହେବି ରାଣୀ
ତମେ ହେବ ରାଜା ମୋର ।
ଚୁପି ଚୁପି ଆସି
କହୁଥିବ କଥା
ଆମ ସ୍ମୃତି ପ୍ରଣୟର
ଲାଜୁଆ ଆଖିରେ
ମୁଁ ଯେ ଚାହିଁ ଥିବି
ଶୁଣି ତୁମ କଣ୍ଠ ସ୍ୱର ।
ଆଙ୍କି ଦେବ ତୁମେ
ପୀରତି ଚୁମ୍ବନ
ପିଆସୀ ଓଠର ଧାରେ
ଲାଜେ ଭିଜୁଥିବ
ନୀଳ ସାଗର ଟା
ଶାମୁକା ର ପରଶରେ ।
ବେଳାଭୂମି ସତେ
ପଡ଼ିବ ଉଛୁଳି
ହସିବ ସ୍ବପ୍ନ ସହର
ବାହୁ ବନ୍ଧନରେ
ହଜିଯିବି ମୁଁ ଯେ
ଭୁଲି ନିଜ ଅନ୍ତଃସ୍ବର ।
ଚିରଦିନ ପାଇଁ
ସଂପର୍କ ର ସେତୁ
ହେବ ସିନା ବାଲିଘର
ଅମଡ଼ା ବାଟରେ
ଚାଲିଯିବା ଆମେ
ସାକ୍ଷୀ ଥିବ ବତୀଘର ।