ଆମ ମାତୃଭାଷା ଆମ ପରିଚୟ

ଆମ ମାତୃଭାଷା ଆମ ପରିଚୟ 

କରେ ଆମ ଭାବ ପ୍ରକାଶେ ସାହାର୍ଯ୍ୟ ।

ଆମ ମାତୃଭାଷା ଆମ ପରିଚୟ 

ଆମର ଜୀବନ କରେ ମଧୁମୟ ।

ମଣିଷର ଭାବ ଆଶା ଆଶ୍ୱାସନା

ପ୍ରକାଶ କରି ଯେ ମନ୍ମୟ ମୂର୍ଚ୍ଛନା ।

ଝଙ୍କୃତ କରାଏ ନିତ୍ୟ ନିରନ୍ତର

ପ୍ରାଣ ତାନ୍ତ୍ରିକ। ରେ ପୁରବୀ ସୁସ୍ୱର ।

ତୋଳି ପ୍ରତି କ୍ଷଣେ ଅନୁଭବ ଜ୍ଞାନ

ବିଦ୍ୟା ବୁଦ୍ଧି, କଉଶଳ ବିବର୍ଦ୍ଧନ ।

କରାଇ ପବିତ୍ର ଉତ୍ସାହ ଚିନ୍ତନ

ଉତ୍ତମ ବିଚାର ସନ୍ଦେଶ ପ୍ରଦାନ ।

କାରୀ ହୋଇ ଥାଏ ଆମ ମାତୃଭାଷା

 ବାଧ୍ୟତାମୂଳକ ଅଟେ ଯେ ବ୍ୟବସ୍ଥା ।

ନୀତି ଉପଦେଶ ନିୟମ ରାଜିର

ଶିକ୍ଷଣ ନିମନ୍ତେ ଯାହା ମନୋହର ।

ଚମତ୍କାର ଭାବ ମନ୍ମୟ ମାଧୁରୀ

ନୈସର୍ଗିକ ବିଭା କଳା ଓ ଚାତୁରୀ ।

ଚାରୁତା ସୁୁଷମେ ସୁଷମା ଲହରୀ

ପ୍ରକୃଷ୍ଟ ଭାବନା ପ୍ରବାହିତ କରି ।

ଜାତୀୟ ଜୀବନେ ପବିତ୍ର ଉତ୍ସାହ

ସାଂସ୍କୃତିକ ଭାବ ଗାରିମା ମହତ୍ତ୍ଵ।

ସଭ୍ୟତା ଓ କଳା କୌଶଳ ବିପୁଳ

 ଭଣ୍ଡାର ରେ ପୂର୍ଣ୍ଣ ଜୀବନ ଚଞ୍ଚଳ ।

କରାଏ ଆମର ମାତୃଭାଷା ନିତି

ନୀତି ବାଣୀ ଉପଦେଶ ଅନୁଭୂତି ।

ରାଶି ର ମଞ୍ଜୁଳ ଗୁମ୍ଫନ ଯହିଁ ରେ

ମନ ଖୋଲି ଭାଷେ ଭାବ ମାଧୁରୀ ରେ ।

ଅକାରାନ୍ତ ଧ୍ଵନି ପ୍ରତିଧ୍ଵନି ତାନେ

ସଙ୍ଗୀତ ସାହିତ୍ୟ ଓଉତ୍କର୍ଷ୍ୟ ବଖାଣେ ।

ସ୍ଵବାସେ ସଭିଙ୍କୁ କରେ ବିମୋହିତ

ସୁସାହିତ୍ୟ ଯାର ସାଧେ ସଦା ହିତ ।

ଐତିହାସିକ ଯେ ତଥ୍ୟ ଓ ତତ୍ତ୍ୱର

ଭରପୁର ଅଛି ଅସୀମ ଭଣ୍ଡାର ।

ଆମ ମାତୃଭାଷା ଆମ ପରିଚୟ 

ଉଜ୍ବଳ ଆଲେଖ୍ୟମୟୀ ଯା' ଔଜଲ୍ୟ ।

ପରଶେ ଅଜ୍ଞାନ ଅନ୍ଧକାର ଦୂର

ପ୍ରାଣେ ସ୍ନେହ ଶ୍ରଦ୍ଧା ପ୍ରୀତି ସୌହାର୍ଦ୍ୟର ।

ତୋଳଇ ମଧୁର ମନ୍ମୟ ମୂର୍ଚ୍ଛନା

ସଙ୍ଗୀତ ସୁଷମା ଯାର ବୀଣା ଜିଣା ।

ଆମ ମାତୃଭାଷା ଆମ ପରିଚୟ 

ପ୍ରକାଶଇ , ନିତି ସାହିତ୍ୟ ଓଉତ୍କର୍ଶ୍ୟ ।