ଆମ ବାଡି ଆମ ଅଗଣା

ନିତି ସକାଳରୁ    ବାଡି ଅଗଣାକୁ

        ରଖୁଥିବା ପରିଷ୍କାର

ଅନାବନା ଘାସ    ଆବର୍ଜନା ଆଦି

        ପ୍ରସ୍ତୁତି କରିବା ସାର।

ନାଳ ନର୍ଦ୍ଦମାକୁ     ସଫା କରି ଦେଇ

        କୀଟ ନାଶକ ପକାଇ

ମଶା ମାଛି ଆଉ    ହୋଇବେନି ଜମା

        ରୋଗ ତ ଯିବ ପଳାଇ।

ଆମ ବାଡି ପଟେ    ଆମ ଅଗଣାରେ

         ଯେତିକି ଗଛ ଯେ ଅଛି

ଟିକି ନିଖି କରି      ଯତ୍ନ ନେବା ସଦା

         ସୁନ୍ଦର ଅଭ୍ୟାସ ବାଛି।

ଶାରୀରିକ କର୍ମ      ସଫଳ ହୋଇବ

          ଶାଗ ଅବା ଫଳ ପାଇ

ନିଜେ ଖାଇ ପୁଣି    ଆନେ ଦେଇ କିଛି

          ସାଇ ପଡ଼ିଶାର ଭାଇ।

ସ୍ଵଚ୍ଛତାର ବାର୍ତ୍ତା     ଆରମ୍ଭ ଏଇଠୁ

          ବ୍ୟାପିବ ସାରା ସମାଜ

ଆମ ପରିବେଶ    ସବୁଜ ଦିଶିବ

          ଆସ ହେବା ସଜବାଜ।