ଆଈମା କାହାଣୀ

ଆଈମା କାହାଣୀ କେତେ ଶୁଣିଛି ଅତୀତେ

ଭୟଙ୍କର ଜୀବ ଜନ୍ତୁ ଲୀଳା ନାନା ମତେ ।

ରୋମ ଟ।ଙ୍କୁରା ସେ ସ୍ମୃତି ଅନୁକ୍ଷଣେ ଭୀତି

ଘେନି ଶିହରୀଉଠୁଛି ନିତି ଚିତ୍ତ ବୃତ୍ତି ।

ଚାଇନା ଡ୍ରାଗନ୍ କଥା ଶୁଣି ମତେ ଅତି

 ଉତ୍କଟ ଭୟ ରେ ମନ କମ୍ଫି ଉଠେ ନିତି ।

ଜଙ୍ଗଲ , ପାହାଡ଼ , ଘେରା ଚାଇନା ଅଞ୍ଚଳେ

ଅସଂଖ୍ୟ ଡ୍ର।ଗନ୍ ରହୁ ଛନ୍ତି ସବୁ ବେଳେ ।

ଦୁଷ୍ଟ ପିଲାଙ୍କୁ ସେ ଆସି ଧରି ନେଇ ଯାନ୍ତି

ଛାତି , ପେଟ ଚିରି କେତେ କଲିଜା ଖାଆନ୍ତି ।

ଅତ୍ୟନ୍ତ ,ଉତ୍କଟ ବେଶ, ବିକଟ କଦର୍ଯ୍ୟ

ନାନା ସ୍ଥାନେ ନାନା ରଙ୍ଗେ , ଅତି ଦୀର୍ଘ କାୟ ।

ସୁବିଶାଳ ବପୁ ଧାରି ଉଡନ୍ତା ପକ୍ଷୀ ସେ

ଡେଣା ଓ ମୁଖରୁ ନିଆଁ , ହୁଳା ଯେ ବରଷେ ।