ଆ ମୋ ଧନ

 

ଆଉ ଦେଖୁନି ମୁଁ ଟିଭି

ଧରୁନି ମୋବାଇଲ ଫୋନ

ଶୁଣିପାରିବି ନାହିଁ ଆଉ

ଗଲାଣି କେତେ ଜୀବନ

ରାତି ସକ ସକ

ଦିନ ଚକ ଚକ

ମରି ଗଲାଣି ଲୋ ମୋ

ଖାଇବା ସଉକ

ତେଲ ନଦୀ ପାଣି

ଉଛୁଳି ବହୁଛି

କେନାଲରେ ଆମ

ମାଛ ଭାସୁଛି

ବିଲରେ ଦେଖିବୁ

ଧାନ କେଣ୍ଡା କେଣ୍ଡା

ବଣ ମୂଲକରେ

ଗୋଛା ଗୋଛା କାଠ

ଆଫେରିଆଧନ

ଖୋଜେ ମୋ ପରାଣ

ତୋ ବିନା ସବୁ ଲାଗେ

ଆଜି ଅଲଣା ଅଲଣା

ତୁ ପରା ମୋ ଜୀବନ

ସନା ବୋଉ ଗଲା

ମୂରଲୀ ବି ମଲା

ହନ୍ତସନ୍ତ ହେଲା ମାଳ

ଝୋପଡ୍ ପଟିକୁ

କିଏ ବା ପଚାରେ

ମହଲ ସବୁକୁ କାଳ

କୋଉଠୁ ଆସିଲା ଏ

ଘୋର ବାତିଆ ଲୋ

କିମିଆ ଦାଉ ସାଧିଲା

ଗାଈ ପଲ ଗଲେ

ବଳଦ ସବୁ ଭାଷିଲେ

ଧନ ଜୀବନ ବି କ୍ଷୟ

ଦାଦନ ଏଣିକି ମାଲିକ

ମାଛ ଶୁଖୁଆ ରେ ଲାଭ

ମଧ୍ୟବିତ୍ତ ସବୁ ଦାଉ ରେ

ଫେରିଆ ମୋ ବାବୁରେ

ଏଇଠି କରିବୁ ବେପାର

ପାଇବୁ ସୁଖ ଅପାର

ସେଇଠି ହୋଇ ଦାଦନ

ଯେତେ କର ତୁ ଅର୍ଜନ

ଆ ଫେରିଆ ମୋ ସୁନା

ଏଇଠି ଲଗା ତୋ ମନ

ଧରିବୁ ହଳ ନଙ୍ଗଳ

ଚାଷ ଆମ ବଡ଼ ବଳ

ଚାଷୀ ଟିଏ ହୋଇ

ଜଗତରେ ପରା ତୁହି

ଅର୍ଥନୀତି କରି ସୁଦୃଢ

ଵଢେଇବୁ ମାନ ରାଜ୍ୟ ର

ଡାକେ ଆଜି ଭିଟାମାଟି ମାଁ

ଅକାଳ ଚଡକ ପଡୁଛି ରେ

ବାବୁ ଆ ତୁ ଫେରିଆ ରେ।।