ଅ ଠାରୁ କ୍ଷ ହେବା ଭେଟ
ଅ ଠାରୁ କ୍ଷ ହେବା ଭେଟ
ଅ ଖେଳୁଥିଲା ଲୁଚକାଳି,
ଆ ଖୋଜି ମାରୁଥିଲା ତାଳି ।
ହ୍ରସ ଇ ଦେଲା ଆଖି ଠାରି,
ଦୀର୍ଘ ଈ ଥିଲା ସିଟି ମାରି ।
ହ୍ରସ ଉ କଙ୍କି ଧରୁଥିଲା,
ଦୀର୍ଘ ଊ ତାକୁ ମନାକଲା ।
ଋ ନାଚୁଥିଲା ଥେଇ ଥେଇ,
ଏ କହୁଥିଲା ଚିଲ ହେଇ ।
ଐ ତୋଳୁଥିଲା ଧଳା ଫୁଲ,
ଓ କହୁଥିଲା ଭାରି ଭଲ ।
ଔ ଯାଉଥିଲା କଙ୍କି ଧରି,
କ ଦେଲା ତାକୁ ମନା କରି ।
ଖ ଦେଖି ଭାରି ଖୁସି ହେଲା,
ଗ ତାକୁ ଗୋଟେ କୋଳି ଦେଲା ।
ଘ ଧରିଥିଲା ଫିରିଫିରି,
ଙ ଚାଲୁଥିଲା ଥିରିଥିରି ।
ଚ ଚୁପିଚୁପି ହସୁଥିଲା,
ଛ ଖୁଁ ଖୁଁ କାଶୁଥିଲା ।
ଜ ଜାଣିଶୁଣି ବସିଥିଲା,
ଝ ତା'ର ଗୀତ ଘୋଷୁଥିଲା ।
ଞ ଯାଇଥିଲା ମାମୁଁଘର,
ଦୀର୍ଘ ୠ କୁ ସେଠି ଭାରି ଜର ।
ଟ ଖେଳୁଥିଲା ପୁଚି ଖେଳ,
ଠ ଧରିଥିଲା ଜାମୁ ଡାଳ ।
ଡ ଡେଉଁଥିଲା ଲମ୍ବ ଡିଆଁ,
ଢ କହିଲା, ବସିଥିବି କିଆଁ !
ଣ ଆସିକି ତାକୁ ଡାକି ନେଲା,
ତ ହସିକି କିଛି କୋଳି ଦେଲା ।
ଥ ପାଶେ ତା'ର ଭାଇ ଥିଲା,
ଦ ଯାଇ ତାକୁ ଗେଲ କଲା ।
ଧ ଧାଇଁଗଲା ଗୁଡ଼ି ଦେଖି,
ନ ନଟେଇକୁ ଦେଲା ରଖି ।
ପ ଖେଳୁ ଖେଳୁ ପଡ଼ିଗଲା,
ଫ ଆସି ତଳୁ ଉଠାଇଲା ।
ଵ ଦେଲା ଦେହୁ ଧୂଳି ଝାଡ଼ି,
ଭ କଲା ଭେଏଁ ଭେଏଁ ରଡ଼ି ।
ମ ଡାକୁଥିଲା ମାଆ ମାଆ,
ଯ ଖେଳୁଥିଲା ତହିଁ ନୂଆ ।
ର କରି ଦେଲା ପେଏଁ କାଳି
ଳ କହିଲା, ତୁ ମୋ ଭାଇ ଭଳି ।
ଲ ବୋଲିଲା ଗୋଟେ ଶିଶୁ ଗୀତ,
ୟ କହିଲା, ଆମେ ହେବା ମିତ ।
ୱ ତାଙ୍କ ସଙ୍ଗେ ଯୋଗ ଦେଲା,
ତାଲବ୍ୟ ଶ ଯାଇ ମିଶିଗଲା ।
ମୁର୍ଦ୍ଧନ୍ୟ ଷ ଗଲା ଖୁସି ହୋଇ,
ଦନ୍ତ୍ୟ ସ ଆସିଲା ଗୀତ ଗାଇ ।
ହ ଯେବେ ହସି ଠାରି ଦେଲା,
କ୍ଷ ଟି ଅ କୁ ଖୋଜି ଦେଲା ।