ଭିଜେଇବାକୁ ଚାହେଁ
ଭିଜେଇବାକୁ ଚାହେଁ
ମୁଁ ବି ଝରିଯିବାକୁ ଇଛା କରେ
ଅଦିନିଆ ବର୍ଷାଟେ ପରି,
ଧୋଇଦେଇ ଧରାର ଆସ୍ତର ଧୂଳି
ତୋଳିବାକୁ ଚାହେଁ ସବୁଜିମା କଳି ।
ଉଷ୍ମତାରେ ଅତିଷ୍ଠ ପୃଥିବୀ ବକ୍ଷରୁ
ଦୂରୀଭୂତ କରିବାକୁ ଚାହେଁ କଷ୍ଟ ତାର
ଆଉ ଠିକଣା ହଜେଇଥିବା ଏଇ ସମ୍ପର୍କକୁ
ଦେବା ପାଇଁ ଚାହେଁ ନୂଆ ପରିଚୟ ।
ଝିପି ଝିପି ବର୍ଷା ଟୋପାରେ
ସାରା ସହରକୁ ଭିଜେଇ ,
କେଉଁ ଏକ ଅଜଣା ଗଳିରେ
ହଜିଯିବାକୁ ଚାହେଁ ମୁଁ
ମୌସୁମୀର ପ୍ରସ୍ତାନ ପୂର୍ବରୁ
ତୁମକୁ ତାର ପ୍ରତିଟି ବର୍ଷାର
ପ୍ରଥମ ବୁନ୍ଦାରେ ଭିଜେଇବାକୁ ଚାହେଁ।