ଦେବଦାସୀ

    

ନାଁ ମୁଁ ମୀରା ହେଇପାରିଲି

ନାଁ ତୁମ ପ୍ରାଣପ୍ରିୟା ରାଧା !!

ନାଁ ମୁଁ ଗୋପବାଳା ସାଜି 

ତୁମ ବଂଶୀ ଧୂନ୍ ରେ ନିଜକୁ ହଜେଇପାରିଲି,

ନାଁ ରୁକ୍ମୁଣୀ ସାଜି ନାଇପାରିଲି

ମଥାରେ ତୁମ ନାଁର ସିନ୍ଦୂର !!

ତଥାପି ଚାହିଁଲି ଆହୁରି ଚାହିଁଲି

ନିଜ ଅସ୍ତିତ୍ୱର ବଳିଦାନ ଦେଇ.....

ଆଜି ପରିଚୟ ମାଗେ ଏ ଦୁନିଆଁ

ତୁମ ପ୍ରେମେ ତ ସାରା ଜଗତ ବନ୍ଧା 

ମୋ ପାଇଁ କଣ ପରିଚୟ ଜରୁରୀ କି ??

ସୁହାଗିନୀର ପରିଚୟ ତ ଦେଇ ପାରିବିନି

ସେଥିପାଇଁ ଲୋଡା ଦୁଇପଟ ଶଙ୍ଖା ଓ ଟୋପାଏ ସିନ୍ଦୂର 

ହେ ପ୍ରାଣନାଥ କଳାକାହ୍ନୁ 

ଦେବଦାସୀର ପରିଚୟ ହିଁ ମୋ ପାଇଁ ସାର।