वर्ष 2020

 विसरणार नाही असा वर्ष

स्मरणात राहील सदा हा वर्ष

बंद झाला एकमेकांचा स्पर्श

हरवला लोकांच्या चेहऱ्यावरचा हर्ष

कधीच विसरणार नाही असा वर्ष

चव नाही घेतला आईस्क्रीमचा

घोट पिला नाही कोल्ड्रिंक्सचा

सर्दी खोकल्याच्या काळजीने

रस पिला नाही कोण्या फळ्याचा

गरम पाणी पिऊन संपला वर्ष

कधीच विसरणार नाही असा वर्ष

लग्न सोहळा झाला कमी लोकांत

अनेक समारंभ झाले कमी लोकांत

कोणाच्या मातीला जाणे झाले नाही

तेरवी देखील झाली कमी लोकांत

अनेकांचे संपर्क तोडणारा ठरला वर्ष

कधीच विसरणार नाही असा वर्ष

बायका गेल्या नाहीत आपल्या माहेरा

कोणी आले नाही कोणाच्या दारा

घरातल्या घरात झाले सण साजरा

कोरोनाने वातावरण दूषित केला सारा

सणांचे महत्व सांगून गेला वर्ष

कधीच विसरणार नाही असा वर्ष

झुक झुक रेल्वे धावलीच नाही

धुरळा उडवित बस पळाली नाही

आकाशातून विमान उडाली नाही

माणसं घरातून बाहेर पडली नाही

चार भिंतीच्या आड संपले वर्ष

कधीच विसरणार नाही असा वर्ष

रस्ते सुमसान नि प्रदूषणमुक्त झाले

पाखरे आकाशात स्वच्छंद उडाले

पशु-पक्षी मोकळा श्वास घेऊ लागले

माणसं एकमेकापासून दूर झाले

माणुसकी शिकविणारे ठरले वर्ष

कधीच विसरणार नाही असा वर्ष

बंद झाली दारे प्रार्थनास्थळाची

ओढ लागली लोकांना दर्शनाची

उणीव भासली सुट्यात सहलीची

जेवण करू शकले नाही हॉटेलाची

घरातच खाऊन पिऊन संपले वर्ष

कधीच विसरणार नाही असा वर्ष