वृद्धाश्रम
वृद्धाश्रम
आधीच शरीर झालेलं विकलांग,
त्यात आजारांची लागलेली रांग.
जरा हालचाल केली की वाटतात श्रम ,
एकच पर्याय यावर वृद्धाश्रम.
वय झालं की संपतो उपयोग ,
आयुष्यही किती भोगायचे भोग.
माजच उतरतो सगळा एकदम
एकच पर्याय यावर वृद्धाश्रम.
रिकामपण उठून अंगावर येतं ,
आजूबाजूलाही आता कुणीच नसतं.
कुटुंबातलं होतं अस्तित्वच खतम
एकच पर्याय यावर वृद्धाश्रम.
घरात सगळेच असतात सक्रिय ,
कुणाला हवाय सांगा , गोळा निष्क्रिय.
अचानक पहिला जातो शेवटाला क्रम ,
एकच पर्याय यावर वृद्धाश्रम.
तिथे मात्र एक बरं असतं ,
कुणीच कुणाला नको असतं.
राहायचं होऊन डिफ आणि डंब ,
एकच पर्याय यावर वृद्धाश्रम.
आपणही बुकिंग करून ठेवावं ,
वानप्रस्थाश्रमासारखं आपलं ,निघून जावं.
बाळगायचा कशाला नात्याचा भ्रम
एकच पर्याय यावर वृद्धाश्रम.