ती

जेव्हा पडते ती आजारी

धाबे घराचे दणाणते

कामे आता अापुल्यावर सारी

कल्पनेने कंबर जडावते

जेव्हा पडते ती आजारी

महती तिची तेव्हा कळते

सदा म्हणतो 'काय काम घरी'

'कर मला' म्हणुनी काम बोलावते

जेव्हा पडते ती आजारी

पहिल्याच दिनी काया शिणावते

करीतसे कशी नित्यनेमे माघारी

कर विचार मनी, मन मज म्हणते

जेव्हा पडते ती आजारी

घरपण घराचे ते उंचावते

स्पर्शास तिच्या अासुसती सारी

उणीव साऱ्या तिची जाणवते

जेव्हा पडते ती आजारी

निराशेने मन मग घोंघावते

कुटुंबप्रमुख आम्ही घरचे जरी

साथीची सदा गरज, तिच्या असते