Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prasad Kulkarni

Others

4  

Prasad Kulkarni

Others

एकटेपण

एकटेपण

1 min
290


या वर्षाला विठुराया , नाही म्हणे वारी ,

सांग ना!ही गोष्ट, खोटी आहे की खरी?

खरी असेल ना, तर मात्र कठीण आहे तुला,

रहाणार कसा वर्षभर तू ,न भेटता आम्हाला?


रखुमाई पण नाही ना, शेजारी उभी बोलायला ,

हा विरह आता तू , सांगणार तरी कोणाला ?

पालख्या, दिंड्या, टाळांचा कल्लोळच नसेल देवा ,

हा अनुभव माऊली, आपल्या दोघांनाही नवा.


या महामारीने आपली, भेट तोडलीय दोघांची ,

कोण तो कोरोना, तुझ्यासमोर काय अवकात त्याची?

बघ हा डाग, तुझ्यावर लागणार आहे विठ्ठला ,

कारण तुच म्हणतोस स्वतःला, भक्तांचा मी भुकेला.


आम्ही काय!डोळे मिटताच, तू उभा ठाकतोस ,

साजिऱ्या रूपात, मन‌्चक्षूंसमोर अवतरतोस.

मनाने पोहोचतो , तुझ्या पायाशी क्षणभरात ,

तू मात्र एकटा पडलायस, दु:ख इतकंच मनात.


पुढच्या वर्षाला मात्र देवा, हे हवय संपायला ,

दोन वर्ष वारीशिवाय, तुलाच लागतील सोसायला.

"विनाशायचं दुष्कृताम‌् ब्रिद, आठवायला लाग आता ,

विश्वात पसरलेल्या महामारीची, कर एकदा सांगता.



Rate this content
Log in