वळणावर पाऊस होता

त्या वळणावर तो पाऊस

आज पुन्हा एकदा वाट तिच चालता 

वळणावर आठवणीचा सडा पडला

वेचता गंध तो श्वास हा गहिवरला 

त्या वळणावर आसवात पाऊस न्हाला .. 

आज पुन्हा एकदा वाट तिच चालता

खुणवती या पाऊलखुणा मजला 

अबोल भावनांचा झरा हा वाहिला 

त्या वळणावर संगे पाऊसही रडला 

आज पुन्हा एकदा वाट तिच चालता

क्षणिक आभास मनात का रुजला

सोबतीस नभाच्या मनी भाव गुंतला 

त्या वळणावर सखा पाऊस भेटला

आज पुन्हा एकदा वाट तिच चालता 

चिंब पावसाळी सरी ओल्या झेलल्या

मनाच्या कुपितली सल अश्रूत वाहिल्या 

त्या वळणावर तो पाऊसही दुखावला