विषकन्या उवाच

मला विषात कोंडणे असायचे 

विषात रोज बांधणे असायचे

विषाक्त पोरगी जगास शाप मी 

तुझेच नेत्र चांदणे असायचे

तुझेच स्वप्न देखणे असायचे

तरी विभक्त भेटणे असायचे

मजेत मी तू भेटलो दिसे जरी

विषात युक्त डंखणे असायचे

उरात स्वप्न प्रेमही भरायचे!

तुझ्यात रोज नांदणे असायचे!

समांतरीच धावतील ती रुळं 

करार चाक रेटणे असायचे

रुळं दुरून भेटली दिसायची

असत्य तेच खेटणे असायचे

विषाक्त गान चाखुनी फसायला

अंगात आग पेटणे असायचे

गुलाब रोज जेवढे तुटायचे 

तुलाच त्यात वेचणे असायचे

विचारलेस 'काम काय द्यायचे' ?

विषाक्त रंग पोसणे असायचे

मनात फास साखळी विषातली 

उरात नाश पावणे असायचे

रसायनात पंखुडी विसावली~

तुझेच प्रेम मागणे असायचे

मलाच काय प्रेम ते कळायचे

विषास प्रेम पाजणे असायचे