वीरमाता

तुझी वाट पाहून ओले नयन झाले 

येणार तु माझ्या भेटीला पत्र तुझे आले

गेलास भारत मातेच्या सेवेसाठी तुझ्या आईला सोडून

वाट पाहते आहे मी प्रत्येक दिवस आणि रात्र जोडून

पाहून तुला झाले आता पुरे दोन वर्ष 

येताच तु पुन्हा घरी होईल लेकरा मला हर्ष 

आठवते तुझे बालपण तुझे बोबडे बोलणे 

अलगत पाऊल टाकून तुझे हळू हळू चालणे 

शाळेत जाताना असायचा तुझा कायम नकार

मैदानी खेळासाठी असायचा नेहमी होकार 

मोठेपणीं होणार मी सैनिक ठरवले होते ठाम

वयात येताच ठरवलेल्या स्वप्नसाठी मेहनत घेतली जाम

व्ह्यावे पूर्ण स्वप्न तुझे इच्छा होती मनात 

एकुलता एक मुलगा देशासाठी जातो आहे हे होते ध्यानात 

झाला तु सैनिकी परीक्षेत पास 

रक्षणासाठी सीमेवर नित्यक्त केले तुला खास 

रोज एकच मागणे मागत आहे देवाला 

शत्रुपासून सुरक्षीत ठेव माझ्या बाळाला 

माझ्या भक्तिमधे कदाचित राहिली काही कमी 

तुझ्या रक्षणाची देवाने दिली नाही हमी

तिरंग्यात लपटून आला घरी तु जेव्हा 

माझ्या भावनेचा बांध फुटला तेव्हा 

होते दुख माझा एकुलता एक लेक गेला 

भारत भूमीच्या रक्षणासाठी तो शहीद झाला 

अजून एक असता लेक त्याला पण केले असते भरती

भारतभुमि आहे महान वीरान ची धरती

आज अश्या वीर मातान मुळेच आपल्याला वीर जवान मिळत आहेत 

जे शत्रूच्या छावणीत जाऊन त्याचा मुस्क्या आवळत आहेत

सलाम आहे माझा त्या सर्व वीर माताना 

ज्यानी नाही केला विचार मुलाना सैन्यात भरती करताना