पाऊस गीत

नभातुन बरसल्या मुसळधार धारा

पाहून त्यांना बेफाम वाहू लागला वारा 

आकाशात विज सुद्धा दाखवत होती अजब खेळ

तिला पाहण्यात निघून गेला माझा वेळ

आजूबाजूची झाडें सुद्धा लागली होती डोलू 

शांत कर माझी तहान हे धरती लागली बोलू 

तप्त मातीवर पडता थेंब नभातील पाण्याचा 

दरवळला सुगंध आणि लागला आवाज येऊ पक्षी गाण्याचा 

पावसाने निसर्गात आणले एक चैतन्या नवी

बदलाची ही लाट वाटे सर्वांना हवी हवी