😍व्हॅलेन्टाईन डे स्पेशल💝

❤️🖤❤️🖤❤️🖤❤️🖤❤️🖤❤️🖤❤️🖤❤️🖤❤️

"या राजे,आलात..बसा ना !"

ती कोड्यात बोलत होती.

"ऐक ना....सॉरी ना !"

आज पहिल्यांदा तिची भिती वाटत होती

"नाही नाही अहो..! सॉरी कशाला ?

हातच्या कंकणाला आरसा कशाला ?

मीच 'वेडी'प्रेमात पडले ना तुमच्या !

आता बोलून पश्चाताप कशाला ?"

मला हसू की रडू तेच कळत नव्हतं..

तिची माफी मागायची होती

तिचं चिडणंही आवडत होतं

"अगं ! शांत हो. चिडू नकोस ना"

माझे प्रयत्न सुरू होते.

परंतु ती ऐकेल तर शपथ

कधीही, कुठेही सुरु होते !

" आय हेट यू " म्हणत तिने

चक्क मारायलाच सुरुवात केली

" कुठे होतास काल दिवसभर

तुझी किती वाट पाहिली ?"

" तुझं प्रेमच नाहीये माझ्यावर

की दुसरी कोणी मिळाली ?

माझ्याशिवाय व्हॅलेंटाईनडे ची

तू कल्पनाच कशी केली ?

म्हणजे खोटं होतं ना ते ?

रोज.. प्रपोज..चॉकलेट... टेडी

प्रत्येक वेळी असंच करतोस तू

तरी येते बोलायला- मीच वेडी !"

एवढं सगळं बोलून ती म्हणते,

"आता मला काही बोलायचंच नाही."

देवा ! वाचव रे बाबा तूच

मला तर काही सुचतच नाही.

थांब....थांब...

सुचतंय...

❣️💝❤️💝❣️

" गुलाबाच्या फुला सारखं राणी

तुला आयुष्यभर जपणार आहे

तुझ्या रक्षणासाठी प्रसंगी

काटाही मी होणार आहे

चॉकलेट सारखा गोडवा

आपल्या नात्यात असेल

टेडी होऊन तुझा मी

तुला रोज हसवेल

तुझ्या घरी येऊन सर्वांसमोर

तुला लग्नासाठी प्रपोज करेन

वचन देतो मी तुला

शेवटपर्यंत तुझ्या सोबत असेन

भांडण झालं कधी आपलं

तर प्रेमाची मिठी देशील ना ?

रोज सकाळी उठल्यानंतर

गुड मॉर्निंग किस देशील ना ?

लहान मुलांचे खेळ गं

हे व्हॅलेंटाईन डे वगैरे

तुला तर मला माझी

बायको बनवायचंय येरे

कधी कधी कामामुळे

वेळ नाही देता येत तुला

पण याचा अर्थ असं तर नाही ना

की मी प्रेमच करत नाही तुला

तुझ्याशिवाय मी म्हणजे

शब्दाविना लेखणी

तुझ्याविना माझी

अधुरीच गं कहाणी

किती गैरसमज तुझ्या मनात

मन तुझं साफ कर ना !

मी तुझाच आहे गं वेडे

आता तरी माफ कर ना

आता तरी माफ कर ना !"

❣️💝❤️💝❣️

" बरं ठिके.. उठाबशा काढ"

ती आता माझी मजा घेत होती

"ए चल काही पण काय ?"

असं म्हटल्यावर मात्र डोळे वटारत होती

"एक...दोन...तीन... बस्स बस्स!

"येडपट.. पुरे आता "

"हुश्श ! सुटलो बाबा एकदाचा"

ह्या मुली पण ना राव

खूप डोकं खातात

ह्यांचे रुसवे फुगवे काढण्यात

नाकी नऊ येतात.

मी तर सुटलो आज

आता तुम्ही तुमचं पहा

गर्लफ्रेंड या विषाणूपासून

चार हात लांबच रहा..