लाइब्रेरी
प्रोफाइल
वैशाखातला वसंत
वैशाखातला वसंत
वैशाखातला वसंत
वैशाखाच्या वणव्याने
काहिली झाली अंगाची
तरीही सृष्टीने मात्र
उधळण केली रंगाची
फुलला गुलमोहर लालेलाल
आरक्त जसे युवतीचे गाल
सुंदर कांचन सोनेरी बहावा
मादक त्याचा सुगंध
मन म्हणते वाहवा
बहावा आणि गुलमोहर
दोघांची अशी रंगसंगती
जसे की दोघे येती
चैत्राच्या हळदीकुंकवासाठी
आम्र तरुवर वसंत आला
गाऊ लागल्या मुक कोकीला
ऐकून त्यांची सुरेल तान
हरपले सारे देहभान
आंबा फणस रानमेवा
हा तर जणू ग्रीष्माचा ठेवा
लगबग हळदीकुंकवाची
कैरी डाळ पन्हे खाण्यापिण्याची
कुरडया शेवया पापड सांडगे
करू हळुच थोडे फस्त
बाकीचे मात्र रुखवतात
ताईच्या सजवू या मस्त
अक्षय तृतीयेला आठव
ठेवूया थोडा पितरांचा
करू जलदान अन्नदान
नैवेद्य आम्रस पोळीचा
शाळेला तर सुट्टीच असते
धम्माल फक्त खेळण्याची
थोडी दाहक थोडीशी शितल
आठवण राहते ग्रीष्माची
वैशाखवणवा
वैशाख वणवा कसा
पेटला उरात
धनी माझा परदेशी
नाही तुकडा घरात
माझी कच्चीबच्ची
गेली पोटं खोलखोल
पोटात पेटली आग
डोळ मात्र ओलं ओल
ओल्या डोळ्याच्या थेंबात
आग पोटाची इझना
डोळा आसू बी सुकलं
तुकडा भाकरीचा भिजना
एका राती आला
एक नवा मुसाफिर
दिल दान देहाचं
भरलं पोटाचं डबर
परमेश्वरा तुझं
पाप-पुण्य चुलीत घाल
दे पोटाला भाकरी
वाचव लेकरांचे हाल
धनी गेलाय विसरून
त्यास नाही लाजलज्जा
उभ्या देहाने मांडीला
माझा माझ्याशीच कज्जा
