||वाट वृष्टी ची ||

तो चातक झाला आतुर 

आकाशी आहे त्याची नजर ||

 नभी शोधतो आहे जलद||

पहिला जलबिंदू पिणार तो अलगद ||

धरणीलाही लागली मिलनाची आस 

कधी भिजवेल तिला हा पाऊस ||

चातक तो दृढ निश्चयी 

कुठलेच पाणी तो न घेई ||

मेघ अवकाशी तो शोधत असे 

मेघराज जलधारा घेऊन बरसे ||

वसुंधरेला लागली चाहूल 

कधी पडेल पावसाचे पहीले पाऊल ||

जणू तप्त निखारे अंगावर 

सोडत असे तो भास्कर ||

वाट बघत आहे सारी सृष्टी 

कधी होणार वर्षा वृष्टी ||