आमची शाळा
आमची शाळा
मस्त होती आमची शाळा
तिनेच लावला शिक्षणाचा लळा ||
मौजमजा, मस्ती होती
स्पर्धा आमच्यात बिलकुल नव्हती ||
शिक्षकांप्रती आदरयुक्त होती भिती
पास होण्याची समाधानी वृत्ती होती ||
शाळेत मराठीच आमची बोली होती
इंग्रजीची जास्त काही समजत नव्हती ||
शाळेतील मित्र अफलातून होते
आई वडिल, शिक्षक सोडून
कोणालाच घाबरत नव्हते|
मैत्री आमची खास होती
शाळेत आमचीच चालती होती||
छमछम छडी जेव्हा हातावर पडायची
हात चोळत कविता पाठ व्हायची ||
मैदानावर कवायत नियमाने होत असे
कुणीच चक्कर येऊन पडत नसे ||
मेंदू बरोबर शरीराची कसरत मस्त व्हायची
आमची शाळा आम्हाला खूप आवडायची||