वार्धक्य अभंग

तारुण्याची धुंदी || वार्धक्याच्या गाथा || 

आहे परिकथा || स्वप्नातल्या ||

तारुण्य पोळले || काळजीत सारे ||

होताच म्हातारे || सुख मिळे ||

नाती संगे खेळा || नातू मागे चेंडू ||

आनंदाने भांडू || आजोबांना ||

पहाटेचा चहा || सणा पुरणपोळी || 

बीपी ची रे गोळी || सुना देती ||

राजापरी झोपे || तो दिवाणावर ||

पाहे दिनभर || सोनी टीव्ही ||

खाणे आणि झोप || दोनच रे काम ||

खिशातही दाम || सदाकाळी ||

सोबत मुलांच्या || जगावे तारुण्य ||

नको रे कारुण्य || डोळ्यांमध्ये

सोन्या परी मुले || फुलां परी मुली ||

भाग्य माझे खोली || वार्धक्यात ||

मुलांनी आणली || सुखाची पहाट ||

अमूल्य ही भेट || निसर्गाची ||

पंकज म्हणे रे || म्हातारपणाला || 

सुवर्ण घडीला || आनंदी व्हा ||