वादळ
वादळ
बोल एकदा वादळा त्या उध्वस्त घराशी
उडून गेलेल्या छपराशी
कोलमडून पडलेल्या भिंतीशी
जमीनदोस्त झालेल्या त्या वास्तूशी
समजून घेशील का त्या वेदना
अख्खा संसार वार्यावर पडला
खचलेल्या त्या कुटुंबाने कसा करावा सामना
सांग वादळा सारा डाव तुझ्यासमोर मांडला
तुझ्यामुळे झाले कित्येक बेघर अन अनाथ
क्षणात मोडला डाव बिथरले सारे भाव
कोण होईल या अनाथांचा नाथ
या प्रश्नाचे उत्तर तुझ आहे का ठाव
नक्कीच हा निसर्गाचा प्रकोप असावा
ज्याने दाखवून दिली आपली महती
चेतावनी तू समजून घे मानवा
आपण या पृथ्वीतलावरचे पाहुणे असती
वेळीच आवर घाल तुझ्या कर्मांवर
याचे प्रताप बघितले तू तुझ्या डोळ्यांनी
तयारी ठेव येणाऱ्या वादळांवर
नाही तर होशील नेस्तनाबूत चारी बाजूंनी