उत्सवाचा सण

दिवाळी आली दिवाळी आली 

आनंदाची जणू पहाट झाली

रंगीत लाईटचा झगमगाट नुसता सगळीकडे 

तेल वात लेवुनी मातीची पणती चहूकडे 

सुंदर फुलांचे तोरण दारी

 रंगीत रांगोळी सुबक अंगणी

 आई आजीने प्रेमाने केलेला फराळ मस्त 

लहानग्या मुलांचा गुपचूप होतो लाडू फस्त

साज शृंगार शालू भरजरी नवा 

नवीन कपड्यांबरोबर सुगंधी अत्तर हवा 

लक्ष्मीपूजनाची तयारी जय्यत सारी 

उत्सवाची दिवाळी ही अनोखी आणि न्यारी 

माहेरवाशीणी येतात करून सुखद प्रवास 

 भेटीगाठीच्या ओढीने भरून जातो निवास 

आपुलकीचा गोडवा जपला जातो मनात

 सुख व समृद्धी लाभते या दिवाळी सणात

आठ दहा दिवस चालतो हा उत्सव रंगात 

गोडवा वाढवणारा सण दिवाळीखेरीज नाही कश्यात