उपमा

तिच्या नखशिखांत सौंदर्याची 

उपमा कोणास देवू

तिच्या भारावलेल्या नजरेत का

स्वतःस हरवून घेवू

तिचं खळखळत हासू होऊन 

पावसात मी न्हाऊन जाऊ

तिच्या कवेत शिरण्यासाठी

तिची निरागस मिठी होऊ

तिच्या सोबतचा आनंद घेन्या

ओठावरली लाली होऊ

सातजन्माची सोबत मिळण्या

आहुती माझी का मीच देऊ

तिचा अबोला नकोच मजला 

हवी तिची सदैव साथ

दिवस रात्रीचा प्रवास सारा

सुखदुःखांचा त्यात हात

उरल्या सुरल्या आयुष्याची

फुलवेन साथीने सदाफुली

आव्हानांना तोंड देताना 

होतील आशेची दालने खुली