उणीव

दादा तुम्ही गेल्यावर

कळलं तुमचं महत्व

त्या रुबाबदार शैलीत

खरं काय होतं सत्व ।।

नाही कधी समजून घेतलं

तुमच्या चिडचिड पणाला

आज त्याच वाईट वाटतं

दादा आमच्या मनाला  ।।

दादा तुम्ही जीवनात

फार मोठा संघर्ष केला

म्हणून आज तुमचा

परिवार सुखी झाला ।।

मला बी वाटतं दादा

तुमच्या जवळ बसावं

मनातलं सुख दु:ख

सारच काही पुसावं ।।

सर्व काही विसरतं पण

विसरत नाही जाणीव

सुख सगळं असूनही

भासते तुमची उणीव ।।