तूच माझं सर्वस्व

हरिणीसारखे नयन तुझे 

नजर चुंबक गौर काया 

तूच माझं सर्वस्व 

तुझ्याविना जीवन वाया || 0 ||

जन्ममरण तुझ्यासोबत 

तुझ्यासोबत हसणं रडणं 

प्रत्येक जन्मी जीव माझा 

केवळ तुझ्यासोबत जडणं 

तुझ्यासाठी जगणे तूच 

जिवनाची मोहमाया 

तूच माझं सर्वस्व 

तुझ्याविना जीवन वाया || 1 ||

प्रत्येक जन्माची नाळ 

एकमेका जोडली आहे 

विरहाची कल्पनाच 

निसर्गाने खोडली आहे 

तप्त दुःखाच्या उन्हात 

तूच शीतल थंड छाया 

तूच माझं सर्वस्व 

तुझ्याविना जीवन वाया || 2 ||