तुफान बाकी आहे
तुफान बाकी आहे
हृदयामध्ये धडधडणारे तुफान बाकी आहे
आभाळाशी अन मातीशी इमान बाकी आहे
आयुष्याचा हिशेब आता मांडून झाला सारा
पापाचे पुण्याचे जुळणे प्रमाण बाकी आहे
सुंदर जग हे डोळे भरून पाहून झाले आता
पोचायाची अंतिम जागा स्मशान बाकी आहे
ती येण्याने दवात भिजला सुगंध मनात भिनला
आली निघून गेली, स्मृतीचे निशाण बाकी आहे
माझी तिला नि तिची मलाही ओढ लागली जेव्हा
काळ, वेळ, भेटीची ठरली ठिकाण बाकी आहे