तुझ्यासवे..
तुझ्यासवे..
तुझ्या संगतीने काही,
क्षण जगावे नवे जुने..
आयुष्य सुंदर मानूनी,
सोबती चालावे तुझ्यासवे.. 2
जीवनगाणे गाऊया,
विसरून सारे रुसवे फुगवे..
आनंदाने मला आज,
जगायचे आहे तुझ्यासवे... 2
हाती हात तुझ्या गुंफून,
जुने क्षण काही आठवावे..
नव्या आठवणी जोडण्यासाठी,
पुन्हा एकदा जगायचे तुझ्या सवे.. 2
नाते आपल्या प्रितीचे,
नेहमी असेच फुलत रहावे..
सुखदुःखाच्या क्षणी मी,
कायम असावे तुझ्यासवे.. 2