लाइब्रेरी
प्रोफाइल
तुझ्या रूपाचं चांदणं
तुझ्या रूपाचं चांदणं
1 min
305
तुझ्या रूपाचं चांदणं
ज्याच्या वरी मन जडे
ऊतू जातय लावण्य
मनी वाजती चौघडे
तुझ्या रूपाचं चांदणं
दारी घालतात सडे
उजळूनी घर जाई
मनी मानसी आवडे
तुझ्या रूपाच चांदणं
साथ त्याची अवखळ
झुळुझुळु उठताती
आठवांचे ग मोहोळ
तुझ्या रूपाचं चांदणं
मन लागलं झुरणी
गोऱ्या देहावर शोभे
कंच हिरवी पैठणी
तुझ्या रूपाचं चांदणं
दारी फुलली तुळस
फुलारली चाफेकळी
तुझ्या सानिध्याचा भास
तुझ्या रूपाचं चांदणं
झुंजुमुंजु झाल्या दिशा
तुझं लावण्य टिपाया
बघ शोधतो आडोसा
