तुझ्या पैंजणातील घुंगरू...
तुझ्या पैंजणातील घुंगरू...
तुझ्या पैंजणातील घुंगरू ,
छनछनाट करतो आहे ,
जणू होऊन पाखरू ,
मनात माझ्या उडतो आहे...
थबकलो मी उंबरठ्यावरी,
घाट बाहेरचा दिसतो आहे,
पाय निघेना माझा इथून,
मलाच तो अडवतो आहे ...
पायातील पैंजणात तो,
मदमस्त रूसतो आहे,
कोण जाने मनात काय ,
रुखरुख व्यक्त करतो आहे...
आज थांबना तु इथे ,
रात्र ताऱ्यांची बघतो आहे,
गंधाळला मोगरा का?,
मलाच पुसतो आहे...
तुझ्या पैंजणातील घुंगरू ,
छनछनाट करतो आहे ,
जणू होऊन पाखरू ,
मनात माझ्या उडतो आहे...