तुझी चाहूल

पैंजणांचा सुमधुर नाद

देतो तवागमनाची वर्दी

मी अनुरक्त आहेच सखे

त्या रूणझुणीचा मी दर्दी //1//

तव सुकोमल पाऊलखुणा

माझ्या काळजात बंदिस्त

त्या पाऊलातील पैंजणरव

कर्णी घुमतो, जरी निर्दिस्त //2//

तुझा रुसवा, फुगवाही सखे

आपसूक पैंजणास गं कळतो 

अन मग तुझा अबोला सखये

मम हृदयाला छळ छळ छळतो //3//

जेव्हां तू आनंदीत असते राणी

पैंजणांची कीणकीण आनंदी

अन तुझा मी मनकवडा राजा

तुझ्या लोभस रूपड्याचा छंदी //4//

जर पैंजण नसतील पायातच

तुझा पदरव अबोल होईल गं

अन मग तुझी ती मुकी स्पंदने

माझे काळीज कसे साहिल गं //5//