वेड्या मना
वेड्या मना
वेड्या मना, मज सांग ना
कधी तू होशील शहाणा
स्वप्न मनातले तुझ्या, नको
ओठांवरती आणूस ना //1//
त्या स्वप्नांना पंख जर, हवे
असतील रे तुजला
ते तूझें तू लावून घे, नंतर
बांध स्वप्नांतला बंगला //2//
स्वप्ने वास्तवात आणतांना
मन वेडंच लागतं
पण व्यक्त होताना मात्र ते
शहाणपणानं वागतं //3//
वेड्या मनास ना कळे ती
शहाणपणाची रे भाषा
शहाणं होताच वेड्या मना,
तू गुंडाळ तुझा गाशा //4//
शहाणपण-वेडाच्या द्वंद्वात,
तुझं होईल रे मरण
म्हणूनच तुला मी सांगते,
तू आत्ताच रच सरण //5//
वेड्या मनाला नच लाभले,
कधीही दीर्घ ते आयुष्य
शहाणपणाला शरणागत ते,
हेच पदोपदी दृश्य //6//