तुझेच राज्य आहे

शून्यात जन्मला तू

शून्यात मरण आहे

नभ भेदण्याचे छंद

मातीत सरण आहे

उचलून छात्यावरती

मनसोक्त धन धान्य

जातांना हात खाली

अन्याय हा अमान्य

किती हरामखोरी

कमवून झाला पैसा

घाम एसीतून वाहे

तेव्हा मिडवला ऐसा

रक्ताचं रान केलं

तेव्हा नशिबी हिरवळ

घामाचं पाणी पाजून

शेतीसाठीच मळमळ

उन्हाला तापलो मी

घामाला वाव नाही

तुझाच पैसा मोठा

रक्ताला भाव नाही

मरतो घेऊन फाशी

माझा नशीब खोटा

तुझेच राज्य आहे

तू हो अजुनी मोठा

तुझेच राज्य आहे

तू हो अजुनी मोठा