तुझाच संकेत

तुझ्या प्रेमाचा मनावर असा 

परिणाम झाला 

तुझाच संकेत निसर्गाच्या 

चराचरात मिळाला || 0 ||

तुझं सतत भोवताली असणं 

तुझी सवय करून गेलं 

माझ्या हृदयात तुझं प्रेम 

नकळत भरून गेलं 

वाटतं ओरडून सांगावं 

नेहमीच्या जगाला 

तुझाच संकेत निसर्गाच्या 

चराचरात मिळाला || 1 ||

तुझ्या स्पर्शात वेगळीच एक

जादू आहे 

माझा आता मनावर कुठे 

काबू आहे 

मी उरलो आता फक्त 

निमीत्तमात्राला 

तुझाच संकेत निसर्गाच्या 

चराचरात मिळाला || 2 ||