Library
Profile
तुच हृदय मंदिरी
तुच हृदय मंदिरी
1 min
196
तुच हृदय मंदिरी
दिस रातिच्या संगती
आस माझ्या अंतरी
भाव मनी या सोबती
तुच हृदय मंदिरी ....
आस माझ्या अंतरी
तुच हृदयी मंदिरी
कथा काल परवाची
गुंजे काहुरी मंजिरी
राधा बावरी कृष्णाची
सय गहिरी अंतरी
आस माझ्या अंतरी
तुच हृदय मंदिरी
भाव असा तुझ्या ठायी
भोळसर प्रितसरी
बरसुनी गेली कधी
नाही कळली साजिरी
आस माझ्या अंतरी
तुच हृदयी मंदिरी
चिंब ओल्या भावसरी
आल्या कुठुनशा सरी
सांज येता या अंगणी
याद झरे गालावरी
आस माझ्या अंतरी
तुच हृदयी मंदिरी
आसवांची ती काहिली
मन अधिर कुंज री
आज क्षितिजा संगती
गुंज नभीच सांगे री
आस माझ्या अंतरी
तुच हृदयी मंदिरी
झाली मीरा ही दीवानी
कृष्णमाया वसे खरी
विसरुनी जग रित
वाजे कृष्णाची बासरी
आस माझ्या अंतरी
तुच हृदयी मंदिरी
