प्रेम

कानाकोपर्‍यात दडून बसलेलं लफड्याचं प्रेम

हव्यासानं ओतप्रोत भरलेलं फाजील प्रेम

फुगलेल्या खिशावर 

भाळलेलं हट्टी प्रेम

अश्लिलतेच्या स्वाधीन झालेलं निर्लज्ज प्रेम

स्वार्थी मैत्रीच्या पोटातून जन्म 

घेतलेलं दगाबाज प्रेम

अंधाराला कवटाळून मिठी मारणारं काळं प्रेम

कातड्यासाठी आतडं 

पिळणारं प्रेम

खोट्या आणाभाकांच्या 

बाहुपाशात निजलेलं प्रेम

अंगभर देहाचे लचके 

तोडणारं प्रेम

माणूसकीलाही ओरबाडून

खाणारं प्रेम

वेळेला काळाला न जुमाणणारं प्रेम

खर्‍या चेहर्‍यांमागचं

खोटं प्रेम

वेगवान धावणारं 

गतीमान प्रेम

अर्धवट आयुष्याला पूर्णविराम देणारं खुळं प्रेम