तु म्हणजे...

तु म्हणजे ,

सागराची उधाणलेली लाट,

अंतरंगी किनाऱ्याला ओलावणारी ,

मऊशार रेताळ वाट ...

तु म्हणजे ,

बेभान शिवारी वाहणारा वारा,

अंगाला झोंबुनी गारवा,

गोड गुलाबी उठणारा शहारा ...

तु म्हणजे ,

निरागस वेडी प्रिती ,

आनंद मनात भरूनी,

का? कुणास ठाऊक हिरावून घेण्याची भिती...

तु म्हणजे ,

भावनांनचे अपहरण,

मन माझे तुझ्या ताब्यात ,

तुच करशील तारण...

तू म्हणजे ,

जगण्याला मिळालेली दिशा,

तुझ्याशिवाय आता ,

उरली नाही कोणतीच आशा...