तु जसा, तसा तो पाऊस पडतो...

तु जसा ,तसा तो पाऊस पडतो ,

बघुन मला खिडकी मागे लपतो ,

हळुच मध्ये कुठूनतरी डोकावतो ,

गारव्याने मनास धुंद करतो ...

तु जसा , तसा तो पाऊस पडतो ...

पापण्यातून डोळ्यांत उतरतो,

केसांवरून गालावर ओघळतो,

बरसत माझ्यात हरवत जातो,

चिंब चिंब मला भिजवतो,

तु जसा ,तसा तो पाऊस पडतो ...

हे पर्व स्वप्नांच सांगतो ,

हूरहूरतो रोज मला छळतो,

तु कसा रे पावसाळ्यातच येतो,

ऋतु बदलता तू कुठे ?लपतो ,

तु जसा , तसा तो पाऊस पडतो ...

अ गं वेडे मी तर इथेच असतो,

पानाफुलांतुन रोज हसतो ,

तुझ्या सावलीत दडुन बसतो ,

नदी समुद्रात मीच तर असतो ,

तु जसा , तसा तो पाऊस पडतो ...

रोज रोज मी तुलाच भेटतो ,

भास माझा वाऱ्यातुन झुलतो ,

तुझ्याच अवतीभोवती खेळतो ,

तुझ्यावरच मी प्रेम करतो ,

तु जसा , तसा तो पाऊस पडतो ...